The Correspondents: Batchoy (A very long post)

I need to rant in Tagalog. I hope my non-Filipino visitors will indulge me…

This is in relation with the episode shown tonight by The Correspondents. This is a local news and current affairs show from ABS-CBN. The episode tonight was Batchoy, leftover food thrown in the garbage already by fastfood chains but are taken by garbage collectors for the purpose of “recycling” the dirty food.

Okay, here is my rant now.

Yung babae dun na sinamahan ni Dominic Almenor sa totoo lang nakaka-bother siya. Naka-lipstick, may mga silver jewelries pa, ayos na ayos ang hitsura. Yung bahay may malaki pang tv, may component pa, maayos na maayos din kung titignan mo. Tapos parang proud pa siya na Batchoy ang pinapakain niya sa mga anak niya! Sarap kaltukin ng ulo!

Sa mga di nakakaalam, let me tell you what Batchoy is. Actually, nasulat ko na ito sa blogspot blog ko noong November 2006. Ang Batchoy ay mga tira-tirang pagkain na galing sa mga fastfood chains na itinapon na. Tapos kukunin ng mga magbabasura para ihiwalay ang mga may laman pa at sa tingin nila ay pwede pang kainin. Pagkatapos i-segregate yung mga pwede pang kainin, ilalako iyon. Lulutuin ng mga bumili para gawing ulam. Ang isang plastic bag ng Batchoy ay 45pesos kung malaman at 25pesos naman kung di gaano.

In all honesty, I have nothing against those people who buy these Batchoy. I know how hard life is right now and if it’s the only way for families to eat, who am I to bitch about it? What I just find disturbing ay yung parang proud pa yung nanay na sabihing masarap naman yung Batchoy. May pambili siya ng hikaw, singsing, lipstick pero matinong pagkain sa mga anak di kaya??? May pambili ng tv at component pero yung tamang pagkain inaasa sa basura??? Ni hindi man lang sinabi na nagwo-worry nga siya kasi baka malason or magkasakit ang mga anak niya. Hay.

Minsan yan ang nakakainis sa mga “mahihirap” nating kababayan. Naisip ko na naman tuloy yung problema natin sa growing population, birth control at poverty. Kasi related dito sa Batchoy eh. Kung sarili lang nila ang pakakainin nila, di nila kailangang umasa sa Batchoy. Kaso mo, maraming mga anak na kailangang pakainin.

Let me just incorporate here my rant about dun sa mga pamilyang panay ang reklamo kasi ang daming anak na pinapakain o pinag-aaral… Sabi ko nga, if I were a priest or someone from the government, I would ask these questions again and again to Filipinos in general…

Bago mag-asawa dapat itanong muna sa sarili nila kung kaya ba nilang pakainin sarili nila mismo ng 3 beses isang araw.

Kung no ang sagot, wag mag-asawa nang padalos-dalos! Or wag mag-asawa period! Until a change in the circumstances in your life will tell you to go ahead and marry. Kung yes ang sagot, mag-isip uli ng isang libong beses…

Kaya ko pa bang magpakain ng isa pang bibig?

Kung no ang sagot, wag agad mag-anak. Mag-family planning! Mag-contraceptives! Kung yes ang sagot, mag-isip uli…

Ask yourself: Sa tingin ko ba kaya kong pakainin at pag-aralin ang magiging anak ko? Ilan bang bibig pa ang kaya kong lagyan ng laman? Kung mawalan kaya ako ng trabaho, may maisusubo pa rin kaya akong pagkain sa bibig ko at sa mga bibig na aasa sa akin?

Kung no ang sagot, alam mo na ang gagawin mo. Please lang, wag ka ng magkalat pa ng lahi! Kung yes ang sagot mo, mag-isip ka pa rin nang maigi.

Gusto mo ba talagang makadagdag pa sa population problem ng bansa? Gusto mo bang makuba kapapakain at kapapaaral ng mga anak mo?

Oo masaya ang malaking pamilya pero isipin mo na lang, sa hirap ng panahon ngayon, gusto mo bang danasin ng anak mo ang hirap? Kung clairvoyant ka at nakita mong in the near future ay tatama ka sa lotto or magtatamasa ka ng maraming pera, then go ahead and multiply! Pero kung mag-aanak ka ng 3-pataas, tapos kung di mo na mapakain isisisi mo pa sa gobyerno o sa simbahan kasi di ka tinuruan gumamit ng condom… please lang, wag na mag-add pa sa pamilya. Ang daming kapitbahay naming lumaki yung mga anak na hindi halos napag-aral ang mga anak. Mga hindi nag-isip at basta mairaos lang ang init ng katawan sige na lang nang sige! Parang factory na ng bata ang mga bahay sa dami ng anak. Tapos dahil mahirap na from the onset, nagdagdag ng maraming anak, lalong maghihirap. Wala halos maipakain sa mga anak. Di kayang pag-aralin. Tapos isisisi sa gobyerno ang kahirapan. Tapos dahil walang maipakain, iaasa sa Batchoy.

Yung Batchoy, according to tests done to it, contains E. coli. Maaaring matibay talaga ang mga tiyan nung mga kumakain. Pero paano kung isa sa mga araw na ito may madali na ng sakit? May lason pala yung basurahan na kinalagyan ng Batchoy at nakain ng bata?

Wag sanang maging ganon ang mga nanay katulad nung napanood kong babae kanina. Ni hindi man lang nahihiya sa mga anak niyang isinilang dito sa mundo na ang pinapakain niya ay basura ng pagkain. Sana mag-isip muna yung mga single women dyan or yung mga pwede pang manganak. Basahin niyo yung mga tanong ko sa itaas at please lang, mag-isip nang mabuti!